Azokaren helburuak

Herritarren parte hartzea sustatu eta bultzatu. Ahalik eta herritar gehien mugitu azoka eta auzolanen prestaketa eta antolakuntzan aritzeko.

Herriko kultura azaldu, herritarrei baserriko lanbide batzuen berri eman.

Herrian okin bat dugunez (Leire Saizar Altuna “Eguzkileire” ) aprobetxatu eta garai batean ogia nola egiten zen erakutsi bertako gariarekin eta prozesu guztia egin eta grabatu. Grabaketa guztietan garai bateko baserriko jantziak erabiliko ditugu ahal den neurrian…

Auzolana zer den azaldu eta honen garrantzia azpimarratu. Betidanik eta garai ez berdinetan Adunan auzolanak egin izan dira eta gaur egun ere horrela egiten dira hainbat ekimen ttiki edo handi.

Dagoeneko herritar batzuk bagabiltza auzolanean baino lehendabiziko auzolan deialdia kultur astearen barruan izango da, azaroaren 18an larunbata, goizeko 9etan Uztartza aterpetxea eta Gaintza baserriaren tartean dagoen herriko lur sailean.

Kultur batzordea indartu eta honekin, Udala eta herritarrak gerturatzeko saiakera egin.

Ondo pasatzeko asmoarekin antolatuko dira ekimen guztiak nahiz eta lan pixka bat egitea tokatuko zaigun.